Најдобрите студенти од втора, трета и четврта година на Машински факултет при Универзитет „Гоце Делчев“ (Виница, Штип и Струмица) имаа можност да посетат дел од најголемите саеми за техника и машинство на Балканот.

Студентите ги посетија Саемот за техника во Белград и Саемот за механизација во Нови Сад.

- Ова е одлична можност за студентите, но и за наставниците да бидат во тек со новите достигнувања од оваа област. Овде можеа да се видат најновите технолошки достигнувања, најновите машини и најголемите компании кои работат во областа на машинството, роботиката и технологијата истакна деканот на Машински факултет проф. д-р Ристо Кукутанов

Според зборовите на деканот, посетата на значајни саеми од областа на техниката и механиката ќе стане традиција на Машински факултет. Овие саеми се едни од најголемите саеми на Балканот за оваа техника.