Марио Јаначковски - апсолвент на насоката Производно машинство на Машинскиот факултет во Штип, УГД

Отсекогаш сум имал голем интерес кон математиката и физика, тоа е нешто што ме исполнува, па затоа по завршувањето на средното образование, решив мојата енергија и знаење да ги посветам на Машинскиот факултет на Универзитетот Гоце Делчев. Денес после четири години можам со сигурност да кажам дека во ниту еден момент не се покајав. Затоа што Машинскиот факултет кој го раководат способни и секогаш достапни професори успееја во целта - моето студирање да го направат забавно, а вооедно да се стекнам со знаење и пракса што ќе ми овозможи да ја најдам мојата работа од соништата. За да студирањето биде добро изменаџирано Универзитетот ги има најсовремените интернет платформи кои многу го олеснуваат студирањето. Бидејќи има голем дефицит на машински инженери, јас во ниту еден момент не се сомневам дека ќе го најдам моето идеално работно место, затоа што го имам потребното знање благодарение на добриот избор што го направив пред четири години.