Во периодот од 25 до 31 март во Охрид успешно  е реализирана обуката на тема „Социјално претприемништво“ (Social enterpreneurship start up - SESU) на која учествуваа две студентки oд Машински факултет при УГД, Кристина Цоневска  и Сара Милојчевска, заедно со учесници од Полска, Латвија, Турција и Бугарија.

На обуката беа развиени пет бизнис планови преку методот Design Thinking methodology и SWOT анализа. Беа презентирани успешни  примери на социјални претприемништва од интернационално и национално ниво. Со оваа  обука студентките се стекнаа  со сертификат Youthpass, со поголемо знаење, поголема мотивираност и развивање на нивните персонални вештини. Обуката е поддржана од програмата „Еразмус плус“.

Целта на целиот проект е да се обезбеди претприемачки пристап кон решавање на социјалните и еколошките проблеми во земјите кои се дел од проектот и да се поттикне и поддржи развојот на новата генерација социјални претприемачи.

По овој курс за обука на SESU, 20 учесници се подготвени да станат инспирирани социјални претприемачи, да развијат идеи за социјално претприемништво на иновативен начин во земјата и со поголемо влијание врз развојот на социјалното претприемништво да добијат пристап до пазарот на трудот, нови партнерства и онлајн платформа за поддршка на нови идеи за социјално претприемништво.