Машинскиот факултет во Штип, во рамки на додипломските студии (прв циклус), нуди современи студиски програми од областа на машинството и инженерството: Мехатроника, Машински дизајн и производство и Машинско инженерство. Наставните програми се сеопфатни, практично ориентирани и усогласени со современите технолошки трендови и потребите на индустријата и пазарот на трудот.
Студентите стекнуваат знаења и вештини за проектирање, конструирање, моделирање и димензионирање на машински системи, како и за управување со производствени процеси и примена на инженерски решенија во различни индустриски области.
Со стекнатите компетенции, дипломираните инженери имаат широки можности за вработување во индустријата, развојни центри и технички служби, како и за понатамошен академски и професионален развој.
Машинско инженерство
Дипломата од областа на машинско инженерство им обезбедува на студентите оспособеност за самостојно решавање, креативен пристап и преземање активна улога во решавањето на инженерските проблеми. Исто така, студентите можат да развијат способност за критичко размислување при дефинирање на нови развојни задачи во организациите во кои работат, како и развивање на способност за тимска работа. Студентот ги совладува теоретските и практичните вештини кои се потребни за вршење професионални активности. Дипломиран машински инженер има аналитички и креативен пристап кон решавање на проблемите, интегрира информации од различни извори со цел подобро решавање на теоретски и практични проблеми, има способност за споредување на теоретски и експериментални резултати и нивно прикажување во финална форма.
Студиската програма Машинско инженерство се реализира во траење од четири години, осум семестри.
Со завршување на академските четиригодишни студии од прв циклус на студиската програма Машинско инженерство студентите стекнуваат 240 ЕКТС.
ДЕЛ ОД НОСЕЧКИТЕ ПРЕДМЕТИ:
- Машински материјали 1
- Статика
- Јакост на материјалите
- Инженерска графика
- Индустриски менаџмент
- Кинематика и динамика
- Технологија на спојување и пресметка на заварени конструкции
- Машински елементи
- Термотехнички машини и уреди
- CAD технилогија
- Мотори со внатрешно согорување
- Механика на флуиди
- Тродимензионално моделирање и визуализација
- Хидраулични и пневматски компоненти и машини
- Машини и алати
- Основи на автоматско управување
- Операциони истражувања
- Менаџмент и контрола на квалитет
- Управување со човечки ресурси
- Вовед во мехатроника
- Комбинирање на теоретско знаење и практични вештини за анализа и решавање на инженерски проблеми
- Анализа на производи, процеси и системи со примена на современи инженерски пристапи
- Учество во дизајн, организација и контрола на производствени процеси
- Моделирање и симулација со користење на современи инженерски алатки
- Конструирање и проектирање машини, уреди и инженерски решенија
- Примена на научни методи за решавање конкретни инженерски задачи
- Работа со техничка документација и нејзино самостојно изготвување
- Развиени комуникациски и презентациски вештини
- Разбирање на инженерските решенија во економски, еколошки и етички контекст
По завршувањето на програмата машинско инженерство, студентите имаат разнообразни можности за кариера, бидејќи машинските инженери имаат применливи вештини и знаења кои се потребни во различни области и индустрии. Некои од можностите за кариера со завршување на програмата за машинско инженерство вклучуваат:
Развој на нови производи и технологии: инженери за развој и дизајн на нови производи и технологии. Ова може да вклучува развој на автомобили, роботи, електрични уреди, медицинска опрема и други иновативни производи.
Производство и производствени процеси: раководител во производствени компании со цел да ги подобрат или оптимизираат производствените процеси, да го подобрат квалитетот на продуктите и да ги решаваат проблемите со производството.
Истражување и развој: истражувачи во научни или иновативни компании, каде што работат на напредни технологии и научни истражувања.
Консалтинг и инженерски услуги: давање услуги за различни проекти и на различни клиенти во консултантски фирми или инженерски служби.
Образование: професори или истражувачи во образование на универзитети или во основни и средно образовни институции.
Проект менаџер: способен за менаџирање на иновативни и комплексни проекти (развој на нов производ, услуга или бизнис); претприемачи или бизнис консултанти.
Мехатроника
Дипломата од областа на Мехатроника им обезбедува на студентите знаења и вештини од области како механика, електроника, програмирање, автоматизација и роботика. Студентите развиваат и тимско работење, проблемско мислење и комуникациски вештини, што ги подготвува за кариера во различни индустриски и технолошки области.
Студиската програма Мехатроника се реализира во траење од четири години, 8 семестри.
Со завршување на академските четиригодишни студии од прв циклус на студиската програма Мехатроника студентите се стекнуваат со 240 ЕКТС.
Стекнатата диплома по Мехатроника е меѓународно призната.
ДЕЛ ОД НОСЕЧКИТЕ ПРЕДМЕТИ:
- Механика 1
- Инженерска графика
- Машински материјали
- Механика 2
- Јакост на материјалите
- Основи на програмирање
- Електротехника
- Мехатроника
- Машински елементи
- Индустриска електроника
- CAD технологија
- Обработка во облак (Cloud Computing)
- Тродимензионално моделирање и визуализација
- Компјутерско водење на процеси
- Роботика и автоматизација
- Производни технологии
- Моделирање и симулации
- Микрокомпјутери и програмабилни контролери
- Актуатори и сензори
- Мехатронички системи
- Дизајн и моделирање на машински системи (роботи, механизми, преносници) со CAD алатки
- Основи на електроника и развој на електронски системи, сензори и микроконтролери
- Програмирање и развој на софтвер за управување со мехатронски системи
- Работа со сензори и актуатори за мерење, контрола и интеракција со околината
Завршувањето на студиската програма Мехатроника отвора врати за различни кариерни можности и напредок во различни индустрии и области. Некои од можностите за кариера по завршување на студиската програма за Мехатроника вклучуваат:
Роботика: дизајнирање, програмирање и контрола на роботи и автономни системи за разни примени.
Инженер во областа автоматизација и контрола: развој и имплементација на контролните системи и автоматизација на процесите во различни индустриски сектори.
Инженер во областа на автомобилската индустрија: работење на развивање автомобилски системи и технологии за подобрување на безбедноста, ефикасноста и комфорот на возилата.
Инженер во областа на производството: оптимизација на производствените процеси и развивање автоматски системи за помагање на производството.
Развој на производи: дизајнирање, развивање и справување со процеси на производство на иновативни производи и технологии.
Консултант за иновации и технологија: консултант за развој на иновативни технологии и производи во соработка со различни компании и институции.
Машински дизајн и производство
Дипломата од областа на Машински дизајн и производство им обезбедува на студентите стекнување на широко познавање и вештини во областа на машинскиот дизајн и производство. Студентите се обучуваат во напредни техники за дизајнирање, инженерство, материјали и производни процеси, што им обезбедува основа за успешна кариера во оваа област. Преку студирањето на оваа програма, студентите ги развиваат своите аналитички, критички и креативни вештини, како и способности за тимско работење и комуникација за решавање на проблемите.
Студиската програма Машински дизајн и производство се реализира во траење од четири години, осум семестри.
Со завршување на академските четиригодишни студии од прв циклус на студиската програма Машински дизајн и производство студентите стекнуваат 240 ЕКТС.
Стекнатата диплома по Машински дизајн и производство е меѓународно призната.
ДЕЛ ОД НОСЕЧКИТЕ ПРЕДМЕТИ:
- Инженерска графика
- Механика 1
- Основи на дизајн
- Јакост на материјалите
- Производни техники за дизајн на производ
- CAD технологија
- Материјали за дизајн
- Индустриски дизајн
- Тродимензионално моделирање и визуализација
- Градба на производи
- Проектен менаџмент
- Напредни техники за компјутерско моделирање
- Процес дизајн
- Дизајн и производство на производи од пластика
- Компјутерска симулација 3Д
- Моделирање и симулации
- Технологија на брзи прототипови, модели и алати
- Менаџмент на развој на производи
- Информациски системи за производство
- Дизајн на машини и уреди
- Машински дизајн и проектирање на делови и системи со примена на современи CAD алатки
- Познавање на материјали и производни процеси (обработка, спојување, 3D печатење)
- Изработка на технички цртежи, модели и симулации
- Анализа на механички системи (напони, издржливост, вибрации, термички влијанија)
- Развој на прототипови и нивно тестирање и евалуација
Машински дизајнер: креирање на нови машински делови и системи, проектирање на производни линии и машински уреди, како и разработка на технички цртежи и модели користејќи CAD софтвер.
Инженер за контрола и квалитет: надзор и контрола на квалитетот на производствените процеси и производи, унапредување на стандардите за квалитет врз база на индустриските стандарди и регулативи.
Инженер за производство: планирање, организација и надзор на производните процеси, опрема и ресурси за производство на машински делови и производи во индустриските организации.
Инженер за автоматизација и роботика: одговорни за дизајнирање, програмирање и одржување на автоматизирани системи и роботи.
Инженер за планирање на производството: планирање на вработените луѓе, ресурсите и материјалите потребни за производството, како и за оптимизирање на производните процеси и ресурси.
Консултант во областа на машинскиот дизајн и производство: подобрување на производните процеси, применување на најновите технологии и иновации, како и реализација на нови проекти.
Претприемач во областа на машинскиот дизајн и производство: започнување сопствен бизнис или стартап компанија во областа на машинскиот дизајн и производство, за развивање и иновирање нови производи и услуги.